Good afternoon. The first item of business this afternoon is time for reflection. Our time for reflection leader today is writer and broadcaster Billy Kay.
Thank ye, Presidin Officer, fur giein me the honour o addressin oor national Pairlament.
Ah wull stert wi a kenspeckle quote fae Hugh MacDiarmid, yin o the skeeliest makars in Scots leeterature鈥檚 thoosan year history:
鈥淭o be yersel鈥檚鈥攁nd to mak鈥 that worth bein鈥.
Nae harder job to mortals has been gi鈥檈n.鈥
It is mibbe even haurder fur 成人快手, fur ye cannae jist be yersel fur yersels, but fur aw the sels, aw the sowels, aw the brither an sister Scots fae Maidenkirk tae Johnny Groats and ayont, that ye represent, amang whilk there is ower 1.5 million Scots speikers.
Noo is the day and noo is the oor tae rax oot and bring their words, scrievit on the waws ootside the Pairliament, intae the hert o this chaumer. They are wirds perfit fur debate sic as 鈥渟peir鈥濃攊nquire; 鈥渢hreap鈥濃攁ssert; 鈥渏alouse鈥濃攕uspect; and 鈥渢ak tent or it鈥檚 tint鈥濃攖ake care or it is lost. Or, gin ye dinnae want tae be douce, ye can hae 鈥渁 flytin鈥, fur it is a leid hoatchin wi gleg insults鈥斺済laikit鈥, 鈥済awkit鈥, 鈥済owk鈥.
In daein sae, ye wull raise the international profile o this airt wi words fae fremmit leids that touch us at hame. Fae the French 鈥渟e f芒cher鈥, we hae 鈥渄innae fash yersel鈥. Fae Dutch, 鈥渉unkers鈥; fae Scandinavian, 鈥渓ugs鈥; and fae Latin, 鈥渄ispone鈥.
Ye wull be howkin as weel fae a gowden seam in yer ain pairties鈥 histories. MacDiarmid wis a foondin faither o the National Pairty o Scotland. Fellae makar Cunninghame Graham and his freen Keir Hardie were foondin faithers o the Labour Pairty. The chiel wha first defined oor democratic intellect wis the Conservative Walter Elliot. The Liberal Gladstone wis originally Gled Stane鈥斺済led鈥 bein Scots fur the bird o prey, the kite. And the Greens are thirled tae oor ayebydand land whaur Scots wirds sic as 鈥渟mirr鈥, 鈥渃aller鈥, 鈥渉aar鈥 or 鈥済loaming鈥 seem tae arise oot the yird itsel and haud oor herts.
But, mair important than thon, ye wull gie a signal tae the weans in the schuil that the culture o their hame is valued by fowk electit by their mithers an faithers. Bairns like the quaet wee lass in primary 2 in Fawkirk wha ran an lowped intae her teacher鈥檚 airms, lauchin and greetin wi joy, whan she furst heard her mither tongue in cless, or the sweirt learners in Dundee, dour teenage boays wha gaed tae the tap o the cless fur the very furst time whan the langage they yaised ilka day cam intae the schuil in buiks that they then devoored, and they nivver luikit back. Scottish weans transformed learnin a Scottish leid.
A nation whaur naebodie is excludit and awbodie kens that they belang. Shairly, dear memmers o the Scottish Pairliament, thon is weel worth bein yersel fur.